Елордада өткен Қазастан Ұлтты тарихшылар конгресінің VIII отырысында Абай интерактивті кешенінің тұсауы кесілді. Бұл кешенді Білім және ғылым министрлігі ғылым комитетінің тапсырысымен Л.Гумилев атындағы Еуразия ұлтты университетінің Абай академиясың ғылыми-зерттеу институты әзірлеген.
Аталған институт директоры Ерлан Сайлаубайдың айтуынша, кешен бірнеше бөлімнен тұрады. Ең алғашқы бөлім – Абай тұғырнамасы. Ақын замандастары мен ұрпақтарының естеліктері, абайтанушы ғалымдардың академиялық зерттеулері осында толығымен жинақталған. Екінші бөлім – Абайдың шығармашылық әлемі. Ақын өлеңдері мен қара сөздерінің, поэмалары мен аудармаларының әрқайсыcы жеке-жеке аннотациялық сипатта талданған және әр туындының толық мәтіні аудионұсқа түрінде берілген. Кешен арқылы оқырман Абай қара сөздерінің шығу тарихымен танысып, аудионұсқада тыңдай алады. «Келесі тарау – бейнедәрістер. Бұл тарауда Абайдың өмірбаяны мен шығармашылық мұрасын жаңаша баяндау мақсатында танымдық академиялық дәрістер топтамасы берілген. Дәрісті абайтанушы ғалымдар оқыды», – дейді Е.Сайлаубай. Кешеннің мазмұнды, мағыналы бөлімі 20 поэзия блімі деп аталады. Мұнда Абай өлеңдері негізінде 15 арнайы қойылым түсірілген.Тұмар МЫРЗА