Көпбалалы аналар көмек сұрады

Депутаттыққа кандидаттар мен ADAL партиясының өкілдері Ақтөбе және Ақмола облыстарының тұрғындарымен кездесті.

Қандыағаш қаласында қала жұртшылығымен үлкен кездесу өтті. Кездесу барысында Мақсат Толықбай партия бағдарламасының мақсаты туралы айтып, қала тұрғындарын азаматтық ұстанымын танытуға шақырды: «Сайлауға қатысып, адал еңбек етуге, өз еркіңізді білдіруге бейжай қарамау аса маңызды. Әйтпесе, елде ештеңені өзгерту мүмкін емес болады. Сіз көптеген, ондаған жылдар бойы проблемаларға шағымданып жүре бересіз. Ал оларды шешуге тырысуға болады. Біз сіздерді осы іске шақырамыз», – деді ол. Тұрғындар аймақта жартылай шикізаттық өнімді өндіру мен қайта өңдеу жүйесін және басқа да көптеген өзекті мәселені айтты.

«Бізде көптеген түйінді мәселелер бар. Егер билік пен халықтың арасындағы байланыс орнықты, бәрі жақсы болса, онда шағымдар да, наразылықтар да болмайтын еді. Зейнетақыны өсіріп, жалақыны көтеріп, мал шаруашылығына барынша жағдай жасау керек. Біздің жайылымдарымыз қайда? Жер көп. Жүнді қайда жіберуіміз  керек? Жастар қайда жұмысқа орналаса алады? Мұның бәрін шешу керек», – деді жергілікті зейнеткер.

«Жәрдемақыға өмір сүру мүмкін емес. Жалпы, менің 5 баламның 3-еуі базаға тіркелмеген, сондықтан  мен жәрдемақыны мөлшерден аз аламын», – деді әйелдердің бірі. Сондай-ақ  аудан тұрғындары интернеттің жоғына наразы. Басқа тұрғындар несие бойынша пайыздық мөлшерлемені азайту керегін айтты. «Қазіргі несиенің пайызын өте көп артық төлем және бұл әділетсіз!», – дейді олар

«Оңалту орталықтары, осындай балалармен жұмыс істей алатын мамандар жетіспейді. Топтарда ең көбі 6 адам болуы керек. Міне, біз үш жыл бұрын бір топты ашып, 5 адамға жеткіздік. Қазақстанда ғана РБОО-ға кіруге болады, алайда орын жоқ», – деп шағымданды көзі нашар көретін баланың анасы.