Ақтөбе маңында екі адамға найзағай түсті, деп хабарлайды ТЖ департаменті. Қайғылы оқиға 20 мамырда Белогорка ауылында болған. Көшеде келе жатқан 15 жастағы жасөспірім мен 27 жастағы жігітке жай түскен.
«20 мамырда сағат 19:15-те Ақтөбе облысы Төтенше жағдайлар департаментінің кезекші-диспетчерлік қызметінің басқару пультіне Белогорка ауылындағы тұрғын үйдің жанында екі адамға найзағай жарқылы түскені туралы хабарлама келіп түсті. Оқиға орнына келген бойда 2007 жылы туған баланың көз жұмғаны анықталды, ал 27 жастағы ер адам Ақтөбедегі жедел медициналық жәрдем ауруханасына жеткізілді. Қазіргі уақытта оның денсаулық жағдайы тұрақты», - деп хабарлады ТЖ департаментінен.
Ақтөбе облысының Төтенше жағдайлар департаменті қауіпсіздік ережелерін сақтауды еске салды.
Көшеде найзағай ойнаса биік ағаштар мен электр желілерінің жанынан аулақ жүру керек, суда жүзуге тыйым салынады. Су - электр өткізгіш, сондықтан разряд соқтығысқанда, іс жүзінде аман қалу мүмкін емес, қолыңызға ұзын металл заттарды ұстап жүру қауіпті, қармақ, қолшатыр және басқалар, металл конструкцияларды ұстамаңыз және оларға жақындамаңыз, телефон соғудың қажеті жоқ, тіпті құрылғы пайдаланылмаса да, жай қосылып тұрса да, найзағай соғу мүмкін.
