Қазақстандық 6 турист тауға жорық кезінде мемлекеттік шекарадан заңсыз кесіп өткен, деп хабарлады ҰҚК ШҚ Алматы облысы бойынша департаментінің Қарасай ауданы бойынша шекара басқармасы. 2021 жылы шекара қызметі мемлекеттік шекарадан 6 заңсыз өту фактісін тіркеген.
Азаматтар туристік мақсатта Алматы асуы арқылы Үлкен Алматы шатқалына шығуды жүзеге асырған. Оған барар жолда олар мемлекеттік шекарадан 300 метр қашықтықта орналасқан Алматы көліне барған. Көл географиялық жағынан Қырғыз Республикасының аумағында орналасқан.
Осыған ұқсас заң бұзушылық фактісі биыл да тіркелген. Жоғарыда аталған Қазақстан Республикасының азаматтарына қатысты Мемлекеттік шекараны бұзғаны үшін Қылмыстық кодекстің 392-бабына сәйкес қылмыстық іс қозғалған.
Туристер мына маршрут бойынша жүрді: Дулати даңғылы – «Іле-Алатау» МҰТП экопосты – Үлкен Алматы көлі – Космостанция – Турист шыңының солтүстік-батыс беткейі – Проходное шатқалы – Алагир өзенінің оң саласы – Проходная өзені – Проходная асуының кең аңғары.
Айта кету керек, аталған маршрутта шекарадан өту орны көрсетілген ақпараттық таблолар, «шекаралық аймақ» деген жазулары бар көрсеткіш бағаналар бар, бұдан басқа ҚР Мемлекеттік шекарасы шекаралық белгімен белгіленген.
