Үлкен технологиялар ағылшын тілінде жұмыс істейді. ChatGPT немесе Google Bard чат-боттары енді жергілікті халықтың тілінде сөйлейтін болады.
Ақпараттық қауіпсіздік мәселесіне алаңдаған елдер өз тілдерінде қызмет көрсететін чат-боттар шығара бастады. Олардың мақсатын Financial Times басылымына сілтеме жасаған Aikyn.kz түсіндіреді.
Иллюстрация Financial Times сайтынан алынды
Генеративті ЖИ-дың бәрі ағылшын тіліне негізделгені белгілі. Microsoft қолдайтын азғана уақытта әлемге танылған ChatGPT чат-ботының деректер зерттеуінің 97%-ын ағылшын тілінде жасаған.
Сондықтан генеративті ЖИ мүмкіндіктері қазіргі уақытта ағылшын тілінде сөйлемейтін елдерде шектеулі. Бұл жолдан шығуды жергілікті балама өнімдер ұсынған технологиялық компаниялар көрсетуде.
Қытайдың Baidu, SenseTime, Alibaba сияқты технологиялық компаниялары өздерінің чат-боттарын жасағандары туралы Aikyn.kz сәуір айында хабарлаған болатын.
Фото Getty Images сайтынан алынды. Авторы: Li Qingsheng
ChatGPT және Google Bard чат-боты корей тілінде тәжірибе жасап жатыр. Корейлік пайдаланушылар екеуін салыстырып, Bard-тың жақсырақ сөйлейтінін анықтаған.
Google Bard-тың білімін кеңейту үшін корей және жапон тілдерін таңдаған. Себебі ол Оңтүстік Корея мен Жапонияны үлкен тіл үлгілерін зерттеу үшін қауіпсіз орта деп санайды. Оның үстіне, екі елдің мобильді секторы батыстық әріптестерінен әлдеқайда алда.
Бірақ жергілікті технологиялық топтар одан да жақсырақ үлгі ұсынуға ұмтылуда. Таза корейлік чат-бот Google және Microsoft компанияларының жалпы үлгілерінен де басым болуы мүмкін. Бұл жергілікті бәсекелестіктің күшті екенін білдіреді. Алдағы айларда Оңтүстік Кореяның ең ірі онлайн компаниясы Naver мен Peer Kakao өздерінің чат-боттарын іске қосады деп күтілуде.
Фото snackfever.com сайтынан алынды
Екі компания да жергілікті тұрғындардың ерекшеліктерін ескеретін, ұлттық мәдениетке бейімделген жасанды интеллект үлгілерін ұсынуды жоспарлап отыр. Олар Microsoft және Google әзірлеген жалпы үлгілерге қарағанда мүлдем өзгеше болмақшы.
Осындай отандық үлгілер мен серверлердің өз елінде орналасуы үлкен державаның бақылауынан сақтайтыны қолданушылар мен ұлттық үкіметтерді қызықтырады. Бұл жерде АҚШ-та немесе Қытайда орналасқан технологиялық компаниялар ұтылуы мүмкін.
Таяу Шығыс аймағындағы саяси жағдайдың қиындығы жергілікті ортаға бейімделген ЖИ-ға деген сұранысты да күшейтуде. Осы жылдың басында Naver Сауд Арабиясымен жасанды интеллект құралдарын қоса алғанда, цифрлық қызметтерді дамыту туралы келісімге отырды. Бұл корейлік компания үшін ұзақ жылдар бойы тұрақты табыс әкелетін және басқа жерде де серіктестік орнатуға деген баспалдақ болары анық.
Иллюстрация kedglobal.com сайтынан алынды
Naver акциялары биылғы жылы 14%-ға өскен және 30 еселік форвардтық кіріспен саудалануда. Бұл инвесторларға Microsoft акцияларымен салыстырғанда едәуір көп табыс әкеледі.
Naver-дің 24 миллиард долларлық нарықтық капитализациясы LG Electronics сияқты әлемде әлдеқайда танымал компаниясынан да жоғары.
Naver шетелдегі сатылымдарды ұлғайту үшін жақсы бағытта дамуда. Жоспарланған қызметтер сәтті болса компанияның акциялары де өсетіні анық. Компанияның даму тренді ұлттық тілді қолданып та табысты көбейтуге болатынын дәлелдейтін ғажап тәжірибе.