Қарағанды қаласында 11 жастағы жеткіншек тоғыз қабатты тұрғын үйдің үшінші қабатында орналасқан пәтердің терезесінен құлап кетті, – деп хабарлайды Aikyn.kz.
ЕKaraganda.kz жазуынша, оқиға 11 қазанда болған.
«Сағат 12.16-да 2012 жылы туған баланың пәтер терезесінен құлап кеткені туралы хабар түсті. Бала үйде әжесімен болған, ата-анасы жұмысқа кеткен. Бала ауруханаға жатқызылды, дәрігерлер оның жағдайын орташа деп бағалап отыр», – делінген облыстық ТЖД хабарламасында.
Айта кетсек, бұл 2023 жылдың басынан бері облыста балалардың терезеден құлауының 26-оқиғасы болып отыр.