Қазақстандық 20 жастағы еркін стильдегі балуан Ризабек Айтмұхан Албанияның Тирана қаласында өткен жастар арасындағы әлем чемпионатында (23 жасқа дейін) жеңіске жетті. Ол финалдық бәсекеде ирандық Махди Морафамен кездесіп, 97 келі салмақта бақ сынады.
Доданың ширек финалынан отандасымыз сүрінбей өтіп, жартылай финалда ресейлік Шамил Имам Гаджиалиевпен күш сынасты. Нәтижесінде, 7:4 есебімен Ризабек қарсыласын тізе бүктірді.
Финалдық шайқас өте тартысты өтті. Екі палуанда барлық күш-жігерін жинап, осы додаға салды. Алғашқы минуттан бастап қос палуан бір-бір ұпайдан алып, белдесудің жартысын тең аяқтады. Шешуші екінші кезеңде Ризабек аса белсенділік танытып, қарсыластан айласын асырды. Толық белдесу 11:6 есебімен отандасымыздың үлесіне шешілді. Осылайша, Ризабек Айтмұхан 23 жасқа дейінгі әлем чемпионы атанды.
Айта кетейік, Ризaбек бұған дейін қыркүйек айында өткен 20 жасқа дейінгі әлем чемпионатында да жеңімпаз атанған еді. Былтырғы жылы 92 келі салмақта ересектер арасында Қазақстаннан шыққан алғашқы әлем чемпионы болды. Яғни, 1,5 жыл ішінде Айтмұхан үш түрлі жас санаты мен екі салмақ дәрежесінде әлем чемпионы атағына ие болды.
Дегенмен Ризaбек Айтмұхан Парижде өткен Олимпиада ойындарына қатыспады. 97 келі салмақта ол ішкі іріктеуде Алишер Ерғалиға жеңілген еді.