Парижде Олимпиада ойындарында ескек есуден Қазақстан ерлер құрамасының cпортшысы Владислав Яковлев академиялық ескек есуден іріктеу кезеңінде жарыс жолына шықты, - деп жазады Aikyn.kz.
Отандасымыз 2 000 метрлік жарыста алты спортшының арасында мәре сызығын бесінші болып кесті. Владиславтың нәтижесі – 7:21,56.
Үздік нәтижені Жаңа Зеландия өкілі Томас Макинтош көрсетті.
Жарыс ережесі бойынша алғашқы үш спортшы бірден 1/4 финалға жолдама алса, 4-6-орын алғандар жұбаныш сынында бақ сынайды.