Орталық қалалық клиникалық аурухананың қабылдау бөлімшесінің меңгерушісі Дәулет Чукманов қалада содырлар үшін тәртіпсіздік орнаған кезде қалай жұмыс істегендері туралы айтты, – деп хабарлайды Almaty.tv«Пациенттер 5 қаңтарда емделуге көптеп келіп түсті. Бұл күні түрлі жарақаттармен көп адамдар бізге келді, 191 адам жүгінді. Пациенттердің көбі басының және кеуде жасушаларының ауыр жарақатын алған. Бірақ біз ауыртпалықты көтеріп, ойдағыдай орындап шықтық. Барлық қызметкер қандай да бір көмектің қажет екенін түсініп, қызметке шықты. Пациенттердің жартысы шұғыл медициналық көмек көрсеткен соң, амбулаторлық емделуге жіберілді, емделуі тиіс науқастар емделуге жатқызылды. Бұл күндері 9 кезекші бригада жұмыс істеді. Қызметкерлер тәулік бойы жұмыс атқарды. Қабылдау бөлімшесінің шұғыл операциясы бойынша 6-7 бригада жұмыс жасады, кезек-кезекпен операция жасалды. Күніне 145 операция жасалды. Пациенттердің мұндай көлемі соңғы рет ұшақ құлағанда болған еді. Бірақ ол күнмен салыстырғанда осы күндері бізде үлкен үрей болды, тарс-тұрс еткен атыс даусын естіп отырдық, ашулы пациенттер келді, олармен ілескен адамдар болды», – дейді дәрігер.
Медициналық қызметкерлер тәулік бойы жұмыс істеген. Қабылдау бөлімшесінің шұғыл операциясы бойынша бір сәтте 6-7 бригада науқастарға ота жасап тұрған. Тәртіпсіздіктен зардап шеккендердің арасында аурухананың медицина қызметкерлері болмаған, аурухана ғимараты да зардап шекпеген.
