Krisha.kz-тің жазуынша, Қазақстанда әрбір бесінші клиенттің несие тарихы нашар. Уақытында қарызын төлемеген соң мерзімі өткен ипотекалық немесе тұтынушылық несиелер бойынша тұтынушылардың кредит тарихы жаңарды.
Бірінші кредиттік бюро сарапшыларының мәліметінше, несие тарихы жаңарғандардың жартысына жуығы (47,7%) жаңа мәртебе берілгеннен кейін несиені қайта рәсімдеген. 2021 жылдан бері бір жыл ішінде 1,4 миллионнан астам адам несие тарихын түзеді. Оның 690 мыңға жуығы қайта жаңа несие алды. Биыл 1 наурызда дәл осы несиелердің 15,7%-ның мерзімі 15 және одан да көп күнге кешігіп, тағы да төленбей тұр.
Тағы 348,4 мың адам оңалтудан кейін алған несиесінің ешқайсысын төлемеген. Толық төленген несие көлемі 12% ғана болып отыр.
