Шығыс Қазақстан облысы Риддер қаласының әкімі Дмитрий Горьковой көз жұмды. Бұл туралы Aikyn.kz «ҚазАқпаратқа» сілтеме жасап хабарлайды.
Дмитрий Анатольевич 1983 жылы 6 қазанда Шемонаиха қаласында дүниеге келген.
С.Аманжолов атындағы Шығыс Қазақстан университетін «Құқықтану» мамандығы бойынша және Д.Серікбаев атындағы Шығыс Қазақстан техникалық университетін «Қаржы және несие» мамандығы бойынша бітірген.
Еңбек жолын 2007 жылы Шығыс Қазақстан облысы бойынша экономикалық қылмысқа және сыбайлас жемқорлыққа қарсы күрес департаментінде бастады.
2015-2020 жылдар аралығында Шемонаиха ауданы әкімінің орынбасары қызметін атқарды.
Риддер қаласының әкімі лауазымына 2020 жылдың қыркүйек айында тағайындалған еді.
Бұған дейін Риддер қаласында болған апат туралы жазған болатынбыз.
Фото: e-history.kz