«Хабардың» фильмі алғаш рет шетелдік кинопрокатқа шықты. Бауырлас елдің көрермендері үшін қырғыз тіліне аударылған фильмнің жабық көрсетіліміне Қырғыз кинематография департаментінің, жергілікті БАҚ-тың өкілдері мен блогерлер, сондай-ақ Қазақстанның Қырғыз Республикасындағы елшілігі қызметкерлері мен «Хабар» агенттігінің өкілдері қатысты.
«Бұл – агенттіктің өз өнімін алғаш рет басқа тілде дубляж жасап, шетелге шығаруы. «Келінжан» сериалын YouTube платформасында көп көрген, жақсы пікірлер жазып, қызығушылық танытқан қырғыз аудиториясы болғандықтан, толықметражды фильмді қырғыздардың ана тіліне аударып, сол елде көрсету туралы шешім қабылданған болатын. Серіктес компанияның мәліметіне сүйенсек, «Келінжанның» көрсетілетіні туралы ақпаратты халық өте жақсы қабылдаған», – деді «Хабар» агенттігі АҚ басқарма төрағасының орынбасары Данияр Меңілбеков.