Батыс Қазақстан облы­сында саяси қу­ғын-сүргін құрбандары­на арналған ескерткішке гүл қою рәсімі өтті. Шараға облыс әкімі Нариман Төреғалиев, Орал қаласының әкімі Миржан Сатқанов, депутаттар, қоғам белсенділері мен ардагерлер қатысты.
7 кітаптың тұсауы кесілді

Саяси қуғын-сүргін құрбан­дарының рухына бас имам Самат Әлібаев Құран бағыштады. Одан кейін облыс әкімі Нариман Төре­ғалиев бастаған қоғам белсен­ділері ескерткішке гүл шоқтарын қойды.

Саяси қуғын-сүргін құрбан­дарын еске алуға арналған ша­ралар легі облыста жүйелі түрде ұйымдастырылып жатыр. 

Кеше саяси қуғын-сүргін құр­бандарын ақтау жөніндегі облыс­тық комиссияның отыры­сы өтті. Отырысқа БҚО әкімі Нариман Төреғалиев және өлке­та­ну­шылар мен тарихшылар қа­тысты. Осы жиында БҚО сая­си қуғын-сүргін құрбан­да­рына ар­налған 7 кітаптың тұсауы кесілді.