Вице-президент Данияр Макишев 35 жасында өмірден өтті.
Бұл туралы Aikyn.kz сайты Tengrinews.kz-ке сілтеме жасап хабарлайды. Сарапшы Нұрлан Жұмағұловтың айтуынша, Макишев жүрек ұстамасынан көз жұмған.
«6 жыл бұрын (2017 жылдың шілдесінде) осы қызметті атқарған Аслан Мыңбаев та (Сауат Мыңбаевтың туған інісі – ред.) жүрек ұстамасынан қайтыс болған», – дейді сарапшы Нұрлан Жұмағұлов.
«ПетроҚазақстан Ойл Продактс» ЖШС даму және коммерция жөніндегі вице-президент Данияр Макишев қайтыс болғаны туралы ақпаратты растады.
Бұған дейін Мұнай-газ саласындағы маңызды объектілерді мемлекет меншігіне қайтару мәселесі туралы жазған болатынбыз.