Аталмыш балет труппасы дубайлық көрермендердің назарына біртуар хореограф Ю.Григоровичтің қойылымындағы П.Чайковскийдің «Щелкунчик» ғажайып балетін ұсынды.
«Дубай Опера» сахнасындағы өнер көрсету биылғы жылды түйіндейді. Қазақстандық балет өнерін осынау керемет сахнада таныстыру – біз үшін үлкен қуаныш. Бұл гастрольдің әртістерімізге шабыт сыйлап, жаңа жобаларды құлшыныспен орындауға серпін беретініне сенімдімін, – деп атап өтті «Астана Опера» директоры, Қазақстанның еңбек сіңірген қайраткері Ғалым Ахмедьяров.