Жалпы білім беретін мектепте 12 қазақ және орыс тілдері, тарих, физика, математика, ағылшын тілі, информатика және т.б. оқу кабинеттері, сондай-ақ 6 бастауыш сынып кабинеттері бар. Жабдықталған спорт және акт залы, кітапхана және тир алаңы жұмыс істеп тұр. Педагогикалық ұжым 34 мұғалімнен тұрады.
«Шұбар ауылының 168 оқушысы бұған дейін 1962 жылы салынған шағын негізгі жалпы орта білім беретін мектепте оқыған. Енді жаңа тоқсаннан бастап, олар жарқын әрі кең ғимаратта оқитын болады», – дейді мектеп директоры Мүбарак Байшолақов.
Жалпы, партияның сайлауалды бағдарламасы бойынша былтыр Ақмола облысында 3 892 орындық 6 жаңа мектеп пайдалануға берілді. Жібек жолы ауылында 300 орындық және Қосшы қаласында 1 200 орындық мектептерді іске қосу есебінен үш ауысымды оқыту мәселесі шешілді. Қосшы қаласында жеке инвестициялар есебінен салынған 1 500 орындық мектеп мемлекет меншігіне ауысты. Ақкөл қаласының №4 мектебіне қосымша ғимарат пайдалануға берілді.
«Жайлы мектеп» ұлттық жобасы аясында Ақмола облысында 22 600 оқушыға арналған 18 мектеп салу жоспарлануда. Сондай-ақ қазір өңірде 7 мектептің құрылысы жалғасуда.
Бердібек ҚАБАЙ