Ұлттық қауіпсіздік комитеті прокуратура органдарының үйлестіруімен терроризмді әлеуметтік желілер арқылы насихаттады деген күдікпен Атырау облысының 17 жастағы тұрғынын ұстады, – деп хабарлайды Aikyn.kz.
«Тінту кезінде одан тергеуге қызығушылық білдіретін материалдар алынды. Қылмыстық кодекстің 256-бабы 1-бөлімі бойынша сотқа дейінгі тергеп-тексеру жүргізілуде», – делінген ҰҚК хабарламасында.
2023 жылы аталған азамат осыған ұқсас қылмысы үшін 2 жылға бас бостандығынан шектеу жазасына кесілген.
«Қабылданған процестік және профилактикалық шараларға қарамастан, ол құқыққа қарсы әрекеттерін жалғастырған», – деді ведомство өкілдері.
Террористік қылмыстар үшін жауапкершілік 14 жастан басталады.
ҚР Қылмыстық-процестік кодекстің 201-бабы 1-бөліміне сәйкес өзге ақпарат жария етуге жатпайды.