Үйдің жатын бөлмесінен 10 және 7 жастағы балалардың мәйіті табылды.
Индерде тұрғын үйден өрт шығып, екі бала көз жұмды
437
оқылды

Индер ауданында тұрғын үйден өрт шығып, екі бала көз жұмды. Қайғылы оқиға 25 сәуірде сағат 05:37 минутта Индер ауданы Индербор кенті Махамбет көшесіндегі 5 қабатты тұрғын үйлердің бірінде болды, – деп хабарлайды Aikyn.kz

Өрт сөндірушілер оқиға орнына жеткен кезде аталған мекенжайдағы 5 қабатты тұрғын үйдің 2-қабатында орналасқан пәтердің толықтай жанып кеткенін анықтады.

Өрт кезінде үйдің жатын бөлмесінен 2014 және 2017 жылғы балалардың өлі денелері табылды. Сондай-ақ 1995 жылғы анасы және 1994 жылғы ер адам ес-түссіз күйде табылып, аудандық орталық аурухананың жансақтау бөліміне жеткізілді.

Өрт сағат 06:02-де оқшауланып, сағат 06:10-да толықтай жойылды. Полиция департаменті өртті әдейі қойған күдіктіні анықтап, қамауға алғанын хабарлады.

Баян Жанұзақова