Aikyn.kz былтырғы сатылған көліктердің беріктігі туралы есеп жариялаған newatlas.com сайтына сүйеніп, танымал брендтердің бәсекесін талдайды.
Lexus-тың орташа сенімділік ұпайы 65, ал Toyota-ның өзінің орташа сенімділік ұпайы 62 болған. Фото caranddriver.com сайтынан алынды
Consumer Reports 2024 жылғы авто-брендтердің сенімділігі туралы есебін жариялады. Үздік бес бренд өткен жылдағыдан өзгермеген, тек биыл Subaru ең сенімді автокөлік бренді шорт-тізімде бірінші орынға шыққан. Бұл Toyota мен оның суббренді Lexus үшін тосын жаңалық болғандай. Зерттеу 2000-2025 жылдар аралығында сатылған 300 000-нан астам жеңіл, жүк көліктері мен жол талғамайтын көліктер туралы мәліметтердің негізінде жүргізілген.
Осы сенімділік есебіндегі жалпы балл бірнеше критерийлердің, соның ішінде иесінің қанағаттануы, қауіпсіздік рейтингі, күтілетін сенімділік және жол сынағы нәтижелерін орташалау арқылы анықталған. Бұл сенімділік рейтингтерінде тұтынушыларға авто-салоннан шыққан соң пайда болған көліктегі проблемалар бағаланған.
Айта кетейік, тізімде Lincoln, Alfa Romeo, Dodge және Land Rover сияқты брендтердің үлгілері жоқ. Себебі, зерттеуге кем дегенде жаңа екі моделіне байланысты жеткілікті деректері бар компаниялар ғана таңдалған. Осылайша, Fiat, Jaguar, Lucid, Maserati, Polestar және Ram сияқты көлік компаниялары бұл есепке кірмей қалған.
Сонымен, Subaru-ды қандай техникалық сипаттары сенімді жасады? Бұл жаңа технологияның енгізілуі ме, әлде көлік дизайнындағы прогресс пе? Жоқ, шын мәнінде – жауап мүлдем басқаша. Көліктердің бұзылуы мен ақаулықтар туындау ықтималдығы азайды, өйткені Subaru бұрынғы әбден сыналған модельдердегі көптеген бөлшектерді жаңа үлгілерде қолданып келеді.
Subaru жалпы брендтер рейтингінің үздік бестігіне кіретін BMW, Porsche және Honda-ны да артта қалдырды. Фото Subaru ресми сайтынан алынды
Көлік құралының сенімділігі сауалнамаға қатысушылардың өткен 12 айдағы жеке көлік мәселелеріне қатысты жауаптары арқылы бағаланды. Зерттеу жиырма ықтимал «проблемалық аймақты» қамтыды: бояу және әрлеу мәселелері сияқты кішігірім кемшіліктерден қозғалтқыш немесе беріліс қорабындағы ақаулар сияқты күрделі мәселелерге дейін.
Бір қызығы, биылғы сенімділік нәтижелеріне бұрынғыдан да көп электромобильдер кірген. Сауалнамада бағаланған жеті Subaru көлігінің алтауы орташа, орташадан жоғары немесе орташадан айтарлықтай жоғары рейтингтерге ие болды. Бұл алты көліктің барлығында іштен жанатын қозғалтқыштар орнатылған.
Subaru-ның орташа сенімділік рейтингі 68 болды (ең жоғарғы балл – 100). Toyota-ның люкс бренді Lexus-тың орташа сенімділік ұпайы 65, ал Toyota-ның өзінің орташа сенімділік ұпайы 62 болған. Toyota Tacoma, Toyota Tundra және Toyota bZ4X толық электрлі жол талғамайтын көліктері орташадан төмен ұпай алған.
Үнемі бәсеке өсіп отыратын салада кейде қарапайым, тексерілген стратегияны қолданатын компаниялар ұтып отырады. Сенімділік есебінде бірінші орынды иемденумен қатар, Subaru жыл сайынғы жалпы брендтер рейтингінде де бірінші орынды иеленіп, BMW-ны бірінші орыннан ығыстырды. Subaru үздік бестікке кіретін BMW, Porsche және Honda сияқты брендтерді де артта қалдырған. Бұл оңай шаруа емес, әрине. Үздіктерді қиын жағдайда қалдырған автокөлік өндірушісін құттықтаймыз! Бұл да бәсеке мен дамудың көрінісі.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.