Қоқыс жәшігінен сөмкеге салынған жаңа туған нәрестенің денесі табылды. Бұл туралы Аikyn.kz El.kz ақпарат агенттігіне сілтеме жасап хабарлайды.
«Голос народа» басылымының жазуынша, аймақтағы Полиция департаменті 17 желтоқсан күні сағат 12:00 шамасында Рудный қаласында Корчагина көшесінде орналасқан үйлердің бірінің жанынан қоқыс контейнерінен (полиэтилен пакетте) жаңа туған нәрестенің денесі табылған жөнінде хабарлама алған.
– Аталмыш факті бойынша ҚР Қылмыстық кодексінің 100-бабы «Анасы жаңа туған нәрестені өлтіру» бойынша сотқа дейінгі тергеу басталды. Полицейлер қылмыстық құқық бұзушылықты жасаған адамды анықтау үшін барлық қажетті тергеу амалдары мен жедел іздестіру шараларын жүргізіп жатыр, – делінген хабарламада.
Осы қылмыстың куәгері болса, полиция 52-60-22, 52-59-25 телефондары арқылы немесе 102 телефонына хабарласуын сұрап отыр.