Қаңтар оқиғасы: Шымкентте алаңға шыққан 3 адам бас бостандығынан айырылды

Қаңтар оқиғасы: Шымкентте алаңға шыққан 3 адам бас бостандығынан айырылды
Фото: exk.kz

Биыл қаңтар айының 5-нен 6-на қараған түні Шымкент қаласы әкімшілігінің алдында жаппай тәртіпсіздік болды, – деп жазады Polisia.kz.

Жаппай тәртіпсіздіктен кейін қаладағы барлық бейнекамераны жіті тексеріп, полицейлер күдіктілерді ұстады. Тергеу аяқталған соң іс сотқа жолданды.

«Күдіктілерге қатысты Шымкент қаласы әл-Фараби аудандық соты биыл 15 шілдедегі үкімімен ҚР ҚК-нің 272-бабы 2,3-бөліктерімен кінәлі деп танып, 3 адамды бас бостандығынан айырды», -  делінген ресми хабарламада.

Бұған дейін Бас прокуратура бірінші қызмет бастығының орынбасары Елдос Қилымжанов биыл қаңтардың 5-інен 6-ына қараған түні Шымкент қаласы әкімдігінің ғимаратына шабуыл жасағандар саны көп болғанын айтқан еді.

«Полиция әкімдікке баса-көктеп кірмек болған 3000-нан астам адамды сабырға шақырған. Басқыншылардың көпшілігінде қару болған. Полицейлер резеңке оқ пен жарықты-дыбысты гранаталарын пайдаланғанымен, нәтиже болмады. Басқыншылардың үш қарулы шабуылынан кейін қауіп күшейген соң қару қолдану туралы шешім қабылданды. Шабуыл жасаған 20 адам қаза тапты», – деді Елдос Қилымжанов.

Aikyn.kz | Бүгінгі жаңалықтар. Әлем және Қазақстан жаңалықтары.