Алматы әкімдігі қаланы жаңажылдық безендіруге кететін шығынның ресми көлемін жариялады. Жаңа жылға қаланы безендіруге нақты шығын 360 миллион теңгені құрады. Бұл қаражатқа Абай алаңы безендіріліп, биіктігі 22 метр болатын қаланың бас шыршасы орнатылғаны атап өтілді.
Мерекенің басты символы 250 ойыншық, ойыншық жұлдыздар мен мың гирляндалармен безендірілді. Сондай-ақ алаңда 26 сәндік шағын архитектуралық мүсіндер, 30 үйшік және фотоаймақ орнатылды. Алаңның айналасына 65 ағаш мерекелік жарықтандырылып, Республика сарайының қасбеті безендіріледі.
Әкімдік бұған дейін Алматының дизайн тұжырымдамасын әзірлеу кезінде екі жылдық карантиндік шектеулерден кейін мерекелік жаңажылдық атмосфераны жаңғырту мақсаты қойылғанын атап өткен болатын.
Бұған дейін БАҚ-та мемлекеттік сатып алулар порталының деректеріне сүйене отырып, Алматыны жаңажылдық безендіруге жұмсалатын түрлі шығындары – 250 миллионнан 600 миллионға жуық теңгеге дейін екені аталды.
