Солтүстік Қазақстан облысы Полиция департаменті жанындағы консультативтік-кеңесші органның отырысында мұғалімдерге қатысты интернет-буллинг фактісі талқыланды, – деп хабарлайды Aikyn.kz.
Петропавл қаласы Полиция басқармасының бастығы Серік Әлжановтың айтуынша, оқу жылы бойы ювеналды полиция қызметкерлері жасөспірімдер арасындағы құқықбұзушылықтардың алдын алуға ерекше назар аударып, оқушылардың ата-аналарымен тұрақты түрде кездесулер өткізген. Соның ішінде мысалы ретінде Telegram желісінде педагогтерге қарсы ұйымдастырылған интернет-қудалау оқиғасы аталды.
Әлжановтың сөзінше, жасөспірімдердің ата-аналарына мұндай әрекеттердің құқықтық салдары түсіндірілген соң қорлайтын жарияланымдардың таралуы тоқтатылған. Профилактикалық әңгімелерден кейін буллинг толқыны да басылған.
Бұл мәселе кәмелетке толмағандардың қауіпсіздігін қамтамасыз ету тақырыбын талқылау барысында көтерілді. Сонымен қатар отырысқа қатысушылар қоғамдық орындардағы құқықтық тәртіпті сақтау шараларын қарастырып, полиция жұмысының қорытындыларын шығарды.
Ведомствоның мәліметінше, патрульдеу жұмыстарының күшейтілуі және стационарлық бекеттердің қызметі нәтижесінде өңірдегі қоғамдық орындарда тіркелген қылмыс саны өткен жылдың осы кезеңімен салыстырғанда 21,6 пайызға азайған.